Despues di un periodo extenso di planificacion, diseño, branding y concepto, GAIA House of Grill a haya bida y a habri su porta pa ofrece Aruba un servicio di calidad halto, sabornan explosivo y un experencia culinario extraordinario. Cu e apertura di GAIA House of Grill awor Aruba tin un restaurant mas pa descubri y experencia.
E nomber GAIA ta bini for di e Dios Griego di Madre Tera. E concepto nobo di un ‘House of Grill’ ta ser encabesa pa Executive Chef, Alejandro Camurri, hunto cu su ekipo culinario lo percura pa presenta e balansa entre lama y tera. Un menu diferente cu sabornan explosivo ta e specialidad di GAIA. Sabor y combinacion di varios ingrediente lo crea un sensacion pa cada gusto y persona cu lo bishita GAIA House of Grill.
GAIA ta situa na JOIA Aruba by Iberostar na e parti dilanti di e hotel cu bista riba e prestigioso Eagle Beach. Cu espacio pa sinta come paden den un ambiente exotico cu lo laga bo intriga pa e escogencia di muebleria, color y detayenan di acabado den cada piesa di decoracion mientras cu e espacio pafo riba e patio ta laga bo sinti e brisa di Aruba, pues un balansa perfecto di e elementonan natural cu ta forma hunto GAIA, e Dios di madre tera.
GAIA ta habri di dialuna pa diadomingo, cu excepcion di diamars, for di 5’or di atardi te cu 10’or y mey di anochi. Ta recomenda tur hende pa haci nan reservacion riba opentable.com y sigui GAIA riba rednan social @gaia.aruba pa keda informa di tur detaye y evento.
