The St. Regis Aruba Resort a celebra recientemente su prome aña di operacion, reflehando riba un logro marca pa crecemento solido, participacion significativo cu comunidad y un compromiso constante cu excelencia den servicio.
Pa conmemora e logro notabel aki, e dia a cuminsa cu un desayuno di celebracion pa tur anfitrion—nos empleadonan—un momento di aprecio den cual miembronan di e ekipo ehecutivo a comparti nan gradicimento y reconocemento pa e dedicacion demostra durante e aña. E celebracion a sigui cu un recepcion special honrando e ekipo di apertura di e resort, y despues cu un encuentro di anochi na e restaurante insignia di e resort, Eskama Cucina Italiana.
Durante e recepcion, e Gerente General di e resort, Sr. Oliver Reschreiter, a expresa su gradicimento sincero na stakeholdernan clave y partnernan di industria, incluyendo entidadnan gubernamental, partnernan di turismo, suplidornan y proveedornan di servicio, cu nan colaboracion y confianza tabata instrumental durante e prome aña di e resort. Sr. Reschreiter tambe a destaca e contribucion di negoshinan local Arubano, cu nan dedicacion y partnership ta sigui eleva e experiencia di huesped.
E conexion continuo cu e comunidad Arubano mesun importante. For di su apertura, The St. Regis Aruba Resort a posiciona su mes no solamente como un destino di luho, sino como un partner di comunidad comprometi y responsabel. A traves di suministro local, partnershipnan, integracion cultural y oportunidadnan di empleo, e resort ta keda comprometi na crece hunto cu Aruba.
Un momento clave tabata e reconocemento di e anfitrionnan di e resort, cu a reconoce como e curazon di e House of Astor. Durante e ultimo aña, e resort a expande di 223 pa 428 anfitrion, representando 14 nacionalidad diferente. Den 2025, e propiedad a registra 57 transferencia interno y promocion, reflehando su enfoke riba desaroyo profesional y crecemento di carera riba largo plazo.
Durante e aña, bienestar y participacion di e anfitrionan tabata ainda mas fortaleci a traves di varios iniciativa, incluyendo un siman di bienestar dedica riba salud fisico, mental y financiero. Actividadnan a inclui sesionnan di yoga, tayer di presupuesto, evento di team-building y competencia amistoso. Durante e periodo aki, e resort tambe a introduci e Legacy Cup, un iniciativa colaborativo entre e dos propiedadnan di luho di Marriott International na isla.
Iniciativanan adicional enfoca riba e anfritrionnan a inclui participacion den eventonan local di coremento y e prome Associate Appreciation Week di e resort, cu actividadnan dedica na reconoce y gradici miembronan di ekipo pa nan dedicacion y contribucion.
Durante e prome 365 dianan di e hotel, outreach comunitario a keda un pilar central di e esfuerzo di e resort a traves di su iniciativa Serve 360. Den e ultimo aña, anfitrionnan a colabora cu organisacionnan local manera Animal Shelter, Club Kibrahacha, Fundacion pa Nos Comunidad y varios otro fundacion riba isla. E esfuerzo aki a inclui arma mas cu 75 tas di scol pa muchanan na comienzo di aña escolar, apoya distribuimento di tas di cuminda durante e temporada di Pasco, y participa den multiple proyecto di haci beach limpi, tanto independientemente como hunto cu grupo local.
Mientras The St. Regis Aruba Resort ta wak pa dilanti, e ta reafirma su compromiso cu excelencia den servicio, integridad, desaroyo di Hostnan y impacto comunitario—poniendo e fundeshi pa un futuro fuerte, sostenibel y mutuamente beneficioso pa e marca St. Regis na Aruba.
