PKF Dutch Caribbean & Suriname a reuni cu su empleadonan, stakeholders y partnernan pa celebra e clausura di un aña 2025 exitoso y pa mira hunto pa 2026. E celebracion a hiba e tema “Because you are gold to us”, un mensahe cu ta pone hende na e centro di tur cos cu PKF ta haci.
Segun e Managing Director di PKF Dutch Caribbean & Suriname, Edsel Lopez, 2025 tabata un aña di crecemento, consolidacion y fortalesa. “No tur logro ta bini facil. Pero precisamente door di e retonan, nos a keda enfoca, flexibel y uni. Esaki ta loke ta haci 2025 un aña exitoso pa nos.”
Durante 2025, PKF Dutch Caribbean & Suriname a sigui fortalece su posicion den e mercado di Aruba, Caribe Hulandes y Suriname, cu un clientela cu ta creciendo y un base fuerte di relacionnan basa riba confiansa, transparencia y colaboracion a largo plaso. PKF ta sigui opera como un full-fledged financial service provider, ofreciendo un amplio portofolio di servicionan, cu entre otro:
• Auditoria y Review di relatonan financiero
• Internal Audit
• Tax & Legal
• (Financial) Advisory
• Compilation & Payroll
• Corporate Finance
Como miembro di e network global di PKF, operando den mas cu 150 pais rond mundo, PKF Dutch Caribbean & Suriname tin acceso directo na experticio internacional, permitiendo nan combina conocemento global cu insight local pa brinda servicio di nivel halto den e region.
E tema di e aña, “Because you are gold to us”, ta refleha e vision di PKF cu su hendenan ta e berdadero balor di e organisacion. E ekipo cu su dedicacion diario, e clientenan cu nan confiansa continuo, stakeholders y partnernan cu nan colaboracion, ta forma e fundeshi riba cual PKF ta sigui construi.
PKF Dutch Caribbean & Suriname ta orguyoso di ta parti di e comunidad Arubano y agradecido na e sosten y confiansa cu e mercado local ta sigui duna. Den un region di islanan chikito, forsa ta bini di unidad y cooperacion, un balor cu PKF ta sigui carga cu seriedad.
Cu mirada riba 2026, PKF Dutch Caribbean & Suriname ta cla pa sigui construi riba e base fuerte cu a establece den 2025, cu un enfoke claro riba hende, calidad y confiansa.
