Den Focus Digital Magazine di e luna aki e sexinista, Dina Alexander, ta elabora riba e celebracion di Dia Internacional di Hende Muhe, celebra dia 8 di maart ultimo. Hopi biaha ta haya un atencion special cual ta bin envolvi den flor, compliment y “hashtag”. E ta splica cu esaki no tabata simplemente un celebracion, pero un dia pa reclama poder. E dia aki no ta pa wordo alaba sino e ta trata di corda ken bo ta.
Hopi prome cu hende muhe a wordo pidi pa ta politico, productivo of agradabel, nan tabata poderoso, intuitivo, sensual — sernan cu tabata conecta profundamente cu nan curpa, nan sabiduria y nan berdad. Riba e caminda, hopi hende muhe a siña pa sobrevivi na luga di sinti. Pa actua cu forsa na luga di ta poderoso. Pa duna sin stop mientras nan ta desconecta di nan mes den silencio.
Y sinembargo — e curpa ta corda y ta carga sabiduria. “Sacred Sexual Awareness” ta siña e hende muhenan cu e curpa no ta algo pa drecha, controla of ignora. E ta un compas. Bo curpa ta papia pa medio di sensacion, limite, atraccion, cansansio, deseo, placer y resistencia. Ora bo no scuch’e — bisa si ora bo kier bisa no, keda chikito ora bo kier expande, keda keto ora bo berdad kier move — bo energia ta baha.
Esaki ta parti di e articulo cu a sali publica den e revista di maart y ta interesante pa lesa tocante “sensualidad no tin di haber cu sex” ni ta e shimis sexy of seduccion. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
