Un momento hopi duro pa Davina Habibe y cu su curason kibra pa realisa cu su tata a fayece. E ta e yiu muhe mayor di Johnny Habibe, ken tabata conoci como The Anchorman y The Man on the Top. Un persona hopi keri den nos comunidad pa decadanan, e bos pa nos comunidad, un eminencia den medio di comunicacion, a fayece inespera lagando atras su 2 legacianan HIT 94 FM y MEGA 88 FM. Pa Davina e tabata un combinacion di amor profundo pa su tata, su pasion y su bida. E compromiso cu e comunidad, cu el a tuma e responsabilidad cu honor como director di e emisoranan. Representa loke el a laga pa nan como e tres rumannan. E tabata un responsabilidad instantaneo apesar cu mester a deal cu dolor pa sigui cu e radionon.
Aunke di no tabatin e conocemento total, e mester a nabega den e awanan turbulento y gara e timon pa sigui dilanti. E responsabilidad ta hopi grandi principalmente como cu Davina ta nobo den e funcion. E sentimento bunita ta cu e ta encarga di e emisoranan, e ta cuida nan pa su tata y ta lag’e sinti cu e ta cu ne. Tuma over un compania despues di fayecimento di un mayor ta un reto unico, pero locual a yud’e keda trankil durante e transicion ey tabata e apoyo di su mama, su team, amigonan cercano y e comerciantenan. Un di e prome desicionnan cu Davina a sinti cu e mester a tuma como director tabata pa e coleganan sinti confiansa y pa conoc’e como nan director nobo. Pa e team sinti e trankilidad cu tur cos ta continua normal. Aunke e tabata hopi duro e partida di nan director, colega y amigo. E ta agradecido pa nan apoyo for di e prome dia cu el a tuma e encargo.
Su tata, Johnny Habibe, den feliz memoria a hunga un rol grandi den forma e radionan y como su yiu Davina ta comprometi pa preserva su vision y eleva e comunidad, manteniendo e radionan como un espacio unda e persona ta sinti informa y conecta. Su deseo ta sigui uza e radionan pa educa y fortalece e conocemento den nos sociedad. Su tata tabata un persona fuerte, claro, honesto y humilde. Como su yiu e tin un balans entre tur e cualidadnan aki. Davina Habibe ta duna su conseho na otronan cu ta haya nan mes ta drenta den liderazgo durante un tempo di perdida personal den edicion di Focus Digital Magazine di e luna aki, cu ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
