Libertad financiero ta significa mas cu tin solamente placa riba cuenta di banco. E ta bay pa tin e libertad y tin e poder di scoge loke nos kier den nos bida. Cu nos tur, specialmente e hende muhe tin e timon di nos propio bida teni. Antes den un sentido hende muhe tabatin menos poder financiero debi cu nan tin entrada mas abou tin biaha, mas tanto ta ama di cas y hopi biaha cu carera di trabou no mucho largo of kibra den lapso di tempo.
Esey ta nifica cu e hende muhe ta spaar menos na pensioen, ta simplemente spaar menos y ta vulnerabel na momento di divorcio, malesa of ora no tin trabou mas. Sinembargo awendia nos ta nota cu e hende muhe ta mas consciente tocante nan placa. E hende muhe ta inverti den su futuro y conscientemente ta traha pa ta financieramente independiente. Nos tin cu realisa cu esaki no ta un luho, pero un base di bida stabil y liber.
Conoce y sa di bo finanza tin un domino-effect: e ta duna confiansa, habri portanan y crea oportunidadnan. Hende muhe, maske den nos comunidad nos no ta gusta papia tocante di placa y hasta nos por sinti cu no ta nos cos, nos tin cu normalisa papia di placa. Mira placa manera un herment den bida. Comosifuera ta un skeiro di djente of peña pa cabey. Mas miho bo siña uz’e, mas fuerte y bon bo ta para.
Den Focus Digital Magazine di maart, Cristina Tromp di Balor Consultancy & Consultancy ta duna 4 conseho practico pa e hende muhe su seguridad financiero personal. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
