Cu e slogan “Soy tu CANDY data”, e campaña politico di Candy Rasmijn-Reino pa e proximo alcalde di e ciudad di Magangué na Colombia, ta tumando hopi forsa. E no ta solamente e prome hende muher den e historia di su ciudad, cu a tuma e reto di postula pa alcalde, pero tambe e unico cu ta contra e corupcion. Candy a muda pa biba na Magangué pa traha riba e futuro di e ciudad unda el a nace. E apoyo grandi e tin di su casa, Donny Rasmijn, cu ta hunto cu ne como su consehero internacional den su reto nobo como politico.
E no tabata fácil pa Candy laga Aruba despues di 25 aña pa biba bek na Colombia, pasobra na Aruba e tin su amistadnan y el a traha su marca personal. Na Colombia e mester a traha riba su marca personal pa su comunidad por a acepte. Den su entrevista den revista FOCUS di e luna di augustus, Candy ta bisa con e ta premira e eleccion dia 27 di october pa Alcalde di Magangué. Ademas e ta conta con e ta sinti di bira wela na un edad asina jong y ki e nieta ta nifica den su bida. Busca bo revista FOCUS y lesa tur e detayenan di e bida y reto nobo di Candy Rasmijn-Reino.
