Probecha e beneficionan di papaya, cu ta yuda bo luci un cuero y cabey espectacular. E fruta aki no solamente ta sirbi pa mehora nos sistema digestivo, sino tambe ta contene propiedad, cu por enrikese nos beyesa.
Segun un publicacion di Biblioteca Digital de la Medicina Tradicional Mexicana, papaya ta yuda bo cu e problemanan digestivo, manera inflamacion, dolor di stoma, diarea, estreñimiento, pero no esey so!
Papaya ta conta cu vitamina A, C, ta antioxidante cu ta brinda un gran proteccion na cuero y cabey ademas, ta menciona cu si aplic’e di forma externo, faborece e cicatrizacion di herida.
Uza papaya riba cuero, ta yuda dun’e un mayor suavidad, flexibilidad y hidratacion.
• Mascariya di papaya pa hidrata e piel y proteg’e: Coy 2 slice di papaya sin casca. Machica e papaya y agrega dos cuchara di honing.
• Exfoliante di papaya pa combati celulitis: pone den un baki algun pida di papaya y machic’e, agregando un cuchara di sucu. Prome cu baña, ora bo cuero ta seco, aplica e mescla aki riba e zonanan, unda gran parti di celulitis ta ubica. Realisa movimento circular durante 5 minuut y lag’e para pa 10 minuut. Kita e mescla cu awa friu.
• Mascariya di papaya pa plooi: prepara bo mascariya pa un cuero mas hoben cu un slice di papaya machica, agrega dos cuchura di avena y dos cuchara di lechi. Aplic’e riba bo cuero limpi y lag’e actua riba bo cara pa 10 minuut.
Papaya pa cabey
E papaya ta conta cu betacaroteno, un composicion cu ta yuda protega bo cabey y dun’e un mihor apariencia.
• Mascariya di papaya pa cabey maltrata: pone den blender 3 slice di papaya sin casca, un cuchara di honing y dos cuchara di azeta di oleifi extra virgin. Blend esaki y pone riba bo cabey. Lag’e actua pa 30 minuut y por tap’e cu plastic, pa evita cu e ta keda basha.
• Mascariya di papaya y aloe vera pa cabey rebelde: pone den blender 3 slice di papaya sin casca y 3 cuchara di aloe vera. Pone e mescla den bo cabey, specialmente riba e puntanan y lag’e actua pa 30 minuut. Laba bo cabey di forma regular y lag’e seca natural.
