Manera cu el a anuncia riba su rednan social Akisha Albert ta bek cu su workshop na Aruba. Aña pasa e tabata poderoso… e aña e lo ta transformacional. Como Miss Curaçao y top 10 Miss Universe 2018 como tambe 5th runner-up Miss Grand International 2024, Akisha a sa di triunfa den e mundo di beyesa internacionalmente. Cu su preparacion, conocemento y experiencia e ta ekipa awendia hopi mucha, hoben y adulto cu su academia MBA Empowerment. Akisha ta bisa: “Cla pa cana cu confiansa, doño di bo presencia y drenta den bo poder? Ban haci e trabou”.
Akisha Albert ta preparando su mes mentalmente y cu energia pa su workshop na Aruba, cual ta diasabra awor 18 di April. E ex miss, cu awor ta coach, modelo, influencer y presentadora ta comparti su experiencia di su prome workshop: “Ultimo biaha e girls and ladies di Aruba tabatin hopi speed, pues mi kier ta bon prepara y un bateria ful carga pa duna nan lo maximo di mi’. E tayernan di MBA Empowerment ta crea espacio pa hende muhe di esun mas chikito te cu e adulto sinti nan mes safe y na cas “no matter” unda nan ta.
E forma con Akisha ta balansa debilidad y forsa ora e ta guia otronan den desaroyo personal ta door di yena su cup pa e yena di otro, pues ora e ta guia otro e ta duna nan for di su “overflow” pa di e forma aki e por carga otronan den nan momento di debilidad. Via e link aki por inscribi ainda pa e workshop: www.akishaalbert.com/new-page-2
Akisha Albert ta den Focus Digital Magazine di april unda e ta conta kico a resalta mas den e prome trimester di 2026 y di su “new look”. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
