Drenta den e mundo di Anne Frank conta pa su ruman di criansa y amiga di infancia. Eva Schloss ta biaha desde London pa comparti su historia di triunfo y supervivencia, tolerancia y paz mundial cu e comunidad di Aruba. Esaki lo ta dia 1 di maart na Hilton Aruba Caribbean Resort & Casino – Grand Morris Lapidus Ballroom. Un oportunidad extremadamente unico!
Eva ta un trustee di Anne Frank Educational Trust, autor di tres buki y tema di e obra di James Still, “And Than They Came for Me: Remembering the World of Anne Frank.” Mescos cu su ruman di criansa, Eva a bay sconde na Hulanda te ora hunto cu su famia nan a wordo traiciona, captura y hiba na Auschwitz-Birkenau kamp.
Desde 1985, Eva Schloss ta dedica su mes na educacion riba e Holocausto y paz global. El a conta su experiencianan den tempo di guera den mas di mil charla. E obhetivo ta pa organisa un anochi inspirativo y educativo, cu ta priminti pa biba den e historia di Aruba den e añanan venidero. Educa e hobennan y promove paz mundial. Esaki ta un oportunidad unico pa scucha e historia poderoso di Eva.
Ticket ta obtenibel na Super Doit Center na Shaba y Citgo Boulevard. Prijs pa studiante ta AWG 15.00 y adulto ta AWG 20.00 te cu 20 di februari. Pa e seccion VIP ‘meet & greet’ Eva prome cu e evento y pa firma copia di e buki “Eva’s Story” ta AWG 180.00 pa ticket. E buki firma ta AWG 35.00
