Bailamento den pareha ta yuda tene un conexion special cu e persona cu bo ta stima. Tene man y acerca e curpanan na otro, ta permiti pa tin un acercamento cara a cara y di curason pa curason.Ta e amabilidad cu uno ta transmiti di su curpa, mientras ta move di un banda pa otro, sin importa e genero cu ta baila.
Bailamento ta lanta pasion y erotismo, y ta bisa cu baile y sexo ta bay man den man y esey ta loke ta hacie iresistibel. Bo por bisa hopi di un pareha, p’e forma cu nan ta baila. Bailamento, mescos cu sexo, no ta rekeri musica, pero hopi biaha e ta e chispa pa cende e candela pa un bon sesion.
Ora bo ta baila, bo conexion intimo tambe ta crece. Ta brasa otro y ta mishi cu otro pa mas tempo, cu un abraso rapido. E conexion fisico y sexual ta laga boso sinti mas sensual.
Ora bo baila cu bo pareha, e comunicacion ta mehora, pues ta obliga boso pa presta atencion y comunica tanto verbalmento como no verbalmente, loke ta profundisa e aprecio mutuo.
No ta niun secreto, cu e baile por ta terapeutico, p’esey ta uz’e comunmente como un calmante pa stress. Sali bay baila ta duna bo un tempo leu di e responsabilidadnan. E ta un escape y respiro.
