Simia di lino of linaza ta un di e fuentenan mas importante di e acido grasos Omega3, cu nos curpa NO ta produci y mester incluie den nos dieta. E investigadornan di INSTITUTO CIENTÍFICO PARA EL ESTADO DE LA LINAZA DE CANADÁ y di Merca, a enfoca su atencion den e rol di e simia aki den prevencion y curacion di numeroso enfermedad degenerativo y a constata cu consumo regular di dje, ta preveni of cura e siguiente enfermedadnan:
CANCER: di pecho, di prostat, di colon, di pulmon, etc., ya cu e ta contene 27 componente anti-cancerigeno. Ningun otro berdura conoci te awo ta igual e propiedadnan aki, e ta un protector contra e formacion di tumor.
BAHA DI PESO: Linaza mula ta excelente pa baha di peso, pues ta elimina e colesterol den forma rapido. Ta yuda na controla obesidad y e sensacion innecesario di apetit, por contene gran cantidad di fibra dietetico.
RETENCION DI LIKIDO: Consumo regular di linaza, ta yuda e riñonnan saca awa y sodio, (Edema) cu ta compaña semper cu inflamacion di enkel, algun forma di obesidad, sindrome pre-menstrual, tur e etapanan di cancer y enfermedad cardiovascular.
VITALIDAD FISICO: Un di e signonan mas notabel di mehoramento ta e incremento progresivo den vitalidad y energia. Linaza ta aumenta e coeficiente metabolico y e eficacia den e produccion di energia celular.
CUERO Y CABEY: Cu consumo regular bo ta nota cu bo cuero ta bira mas suave. E ta util pa cuero seco y sensibel na e rayonan di solo y ta ideal pa e problemanan manera: soriasis y eccema. Ta fungi como mascariya facial pa un limpieza profundo di cutis.
