E siman aki dialuna memey di e pandemia, un noticia cu a conmociona mundo, ta e morto di George Floyd, un afroamericano di 46 aña cu a perde su bida na Minneapolis, Minnesota, despues di a wordo deteni cu hopi violencia pa un polis. Celebridadanan manera Anne Hathaway, Justin Bieber, Vanessa Hudgens y Adam Levine, entre hopi otro mas, a uza nan rednan social pa uni na e protestanan contra e acto aki, cu a ser califica como un asesinato. Esaki a provoca cu e ciudadonan di Los Angeles y Minneapolis, a sali pa marcha durante dos anochi tras di otro pa exigi husticia.
KI A PASA CU GEORGE FLOYD?
Loke a pasa dialuna dia 25 di mei despues cu e autoridadnan a ricibi un denuncia pa e uzo di placa falsifica. Nan a reporta cu e ‘criminal’ tabata sinta riba un auto blauw y cu aparentemente e ta droga, ora cu dos polis a identifica e suheto y dune orden pa baha di e auto. Supuestamente George a pone resistencia y p’esey por a mira den un video graba pa un testigo con e polis a pone su rudia riba su nek. Diferente biaha el a suplica cu e no por hala rosea, y cu su stoma y su nek ta haci dolor. Cu nan ta bay mate. Finalmente George Floyd a muri na man di e polis.
Anne Hathaway e manda un mensahe: “This is George Floyd. He should be alive. He deserves justice. Take action by texting FLOYD to 55156 and demand the officers who killed him be brought up on charges”. E vocalista di Maroon5, Adam Levine, tambe a condena con polis a actua den su mensahe unda el a remarca cu nos tur ta humano y nos tur merece di wordo trata como tal. Cuanto biaha mester kibra nos curason prome cu por yega na un berdadero cambio? Cuanto persona manera George Floyd, su famia y hopi otro mester sufri prome cu nos, manera un persona su so, cu no por STOP di haci esaki y cu e tempo a caba.
E cantante y actriz, Vanessa Hudgens, a skirbi riba su Instagram: “I’ve cried so many times today. Watching George Floyd executed when he wasn’t even resisting arrest… My heart aches so badly. I am so appalled and angry this shit is still happening. We are all human and deserve to be treated that way. My heart n soul go out to his family and friends who lost him too soon. Giving you all the biggest virtual bear hug”.
Justin Bieber tambe a mustra su rabia y tristesa pa loke a pasa y a vocifera cu esaki mester caba. E ta sintie malo y rabia cu e homber aki mester a muri. Cu esaki mester caba y cu racismo ta malo. El a pidi pa e hendenan uza nan voz. Otro famosonan cu a protesta pa e asesinato di George Floyd ta Kim Kardashian, Beyoncé, Taylor Swift, Jamie Foxx, Viola Davis, Zoe Kravitz y Mandy Moore.
