E team fantastico di e salon di beyesa, ENVY by Clyde, ta bek yen di energia y creatividad pa atende nan fiel clientenan desde dialuna ultimo. E temporada tras di lomba pa e propietario, Clyde Fuenmayor, tabata trankil mientras e tabata na su cas cu hopi pensamento positivo. E tabata haci oracion pa su famia y henter mundo, y pa cada ser humano por compronde cu den e tempo aki, nos mester reflexiona y bira miho den tur aspecto .

Cu e salon mester a cera tabata algo hopi dificil como empresario pa enfrenta y te ainda e tin su desafionan. Sinembargo nan ta haciendo tur cos cu ta posibel pa asina nan por surpasa esaki. Segun Clyde su pensamento como negoshante: “Bo mester sa con pa maneha e situacion tanto personal y di cada un di bo empleadonan. Bo mester sa con pa reinventa bo mes y bo negoshi”.

Pa locual ta e adaptacion na e protocol, e estilista ta bisa cu den e estilo di bida nobo, unda nos mester siña biba cu ne, nan a adapta hopi rekisito y hopi exigencia cu DVG a bin pa cada beauty salon. E team di e salon a bay e curso di SVB y como propietario Clyde a tuma curso online tambe pa e maneho nobo.  Esaki ta adaptacionnan cu mester tin e capacidad pa logra cumpli cu ne exitosamente.

Di e banda di e clientenan con anan ta anda cu e normal nobo, Clyde a bisa: “Danki Dios nos clientenan ta hopi consciente y cada un di nan ta tuma e epoca nobo cu hopi bon humor, pero tambe nan ta consciente cu esaki ta pa nan seguridad mescos cu di nos mes”.
Su mensahe ta pa nos comunidad ta responsabel y sigur di loke nos ta haciendo awor cu Aruba a bira COVID-FREE. Nos no por baha e atencion na cada parti di e protocol sino al contrario, nos mester mantene y sigui traha duro riba dje. Un parti hopi importante segun Clyde ta, cu nos mester bira mas humano y cu un curason mas bondadoso y bira nos cara pa Dios, paso si bo ta cu Né nada ta bay haci bo falta 🙏

LEAVE A REPLY

Please enter your comment!
Please enter your name here