Cualkier persona por perde peso si e stop di come, pero desafortunadamente e peso cu el a perde ta muscular y no vet. E obhetivo di perde peso exitosamente ta preserva e cantidad mas hopi di musculo posibel, of incluso ganando mas, mientras cu na mesun momento ta perde e cantidad mas grandi di vet corporal posibel. E indicador clave den bo exito, no ta draai rond di un weegschaal, sino mas bien rond di bo porcentahe di vet corporal, con bo paña ta keda y con bo ta sinti. Tin hende cu hasta ni ta pisa.
E musculo ta vital pa e exito den e perdida di vet, pasobra e musculonan ta kima a traves di e organonan di e celnan cu ta yama ‘mitochondrion’. Esakinan ta e centronan di energia celular cu ta responsabel di e produccion di energia. Den e ‘mitochondrion’ ta unda e vet ta metabolisa. Ta existi un interrelacion positivo entre e cantidad di musculo cu un hende tin y e cantidad di ‘mitochondrion’.
Y ta logico cu mas hopi ‘mitochondrion’ bo tin, mas ta bo potencial pa kima vet. E miho di e musculonan y e ‘mitochondrion’ ta cu nan ta tehidonan activo. Diferente cu e vetnan, nan mester energia constante pa mantene, y por lo general ta uza energia como vetzuur. Ki esaki ta significa? E ta significa cu bo curpa ta kima vet den tur momento di dia, incluyendo ora bo ta drumi!
Asina ta miho stop di preocupa cu bo peso y miho pensa pa ta saludabel, sinti bo mes bon y gana mas masa muscular. Corda bon cu e weegschaal no por bisa bo si bo paña ta keda bo miho, pero si bo porcentahe di musculo y no di vet.
ESAKI TA ALGUN SEÑAL SI BO PERDIENDO MUSCULO Y NO VET:
Bo ta bahando peso demasiado rapido.
Bo ta sinti mas cansa cu custumber.
Bo no ta comiendo suficiente proteina.
Bo ta sedentario. (Un bida cu poco movimento)
Bo ta train di mas.
Bo no ta drumi suficiente.
E hendenan tin e tendencia di sabotea nan dieta comiendo tiki cuminda y poco nutriente, loke ta resulta den e perdida di masa muscular. Manera cu bo cuminsa perde musculo, bo ta librando di un bataya pa perde vet. Esaki ta un di e rasonnan principal, dicon e dietanan ta faya, net despues di e adiccion na cuminda. Manera cu por ripara, e miho manera pa baha peso ta pa enfoca riba bo salud, pa sinti fuerte, di lubida di e dietanan estricto y plannan alimenticio cu ta laga bo baha peso demasiado rapido. E ta mas importante pa bo stop di obsesiona bo mes cu e number riba e weegschaal, y siña pa come sano, suficiente y ekilibra como parti di bo estilo di bida. Corda cu bo tin solamente un curpa y mientras mas bo cuid’e, stim’e y apreci’e, bo ta yega mas rapido na bo metanan.
