Inspira riba dia 8 di Maart, Dia Internacional di Hende Muhe, Balashi Brewery ta reconoce e area di encuentro di cerbes y pan, cu un partnership di Magic Mango y T2PAN. Cerbes tabata parti di e dieta di Egipto antiguo, mas cu 5000 aña pasa. E tempo ey, e tabata traha di pan di barley horna y tabata parti di e ritualnan religioso. Dos mil aña despues, cerbes como e proceso brouw ta wordo haya tambe na Babylonia na unda cu brouwmento tabata un profesion femenino practica mayoria di biaha den e templonan, pa e sacerdotenan femenino.
Barley ta e ingrediente principal, den ambos cerbes y pan
Durante e luna di maart, T2PAN cu ta un panaderia local lo ta preparando un edicion special di ‘sourdough’ di pan, agregando e resto di barley cu ta sobra for di e proceso di traha e Magic Mango na su famoso receta artesanal pa un sabor extra, tambe uzando e cerbes Magic Mango enbes di awa den e mix, resultando den un color persistente y unico. Panadero, Zaida Everon, un docente di Biologia kende a laga su trabao pa dedica su mes na ‘baking’, tabata contento di por a colabora cu Brewmaster, Marisol Heronimo, e creador di e cerbes Magic Mango.
Marisol a traha den e laboratorio, unda e tabata controla calidad na Brouwerij Balashi pa ocho aña, ora cu el a wordo ofreci e oportunidad pa bira un brewmaster. El a laga su carera di biokimica pa dirigi su mes na un scol di brewmaster na Berlin. Na su regreso na Aruba, Marisol a crea Magic Mango pa Brouwerij Balashi, esey tabata prome cu Covid-19. Mirando con e tabata birando un di e cerbesnan na Aruba, cu a crece rapidamente den 2020, y cu un margen di benta ainda mas grandi pa 2021.
“Ta berdad cu ora hende muhe ta sostene otro, cosnan increiblemente magico ta sosode,” Zaida ta bisa tocante nan colaboracion, agregando cu, “esaki ta specialmente berdad den bida, negoshi, y den e pasionnan cu nos ta comparti: brouwmento di cerbes y hornamento di pan.”
Magic Mango Beer Bread ta wordo horna tur diasabra den maart, y ya caba e ta totalmente bendi pa e prome siman. Ambos Zaida y Marisol a pone nan microbiologia, ciencia di cuminda, fermentacion y conocemento di kimica na obra. Nan ta splica cu ora e proceso di fermentacion di barley ta completo, e resto di e granonan mescla hunto cu e hariña ta duna e pan un super sabor y tremendo calidad, rico den fibra y proteina. E pan tambe ta wordo amplia cu integral organico, recien molia na e panaderia mes. Salud na socionan y e hende muhenan fenomenal, Zaida Everon y Marisol Heronimo, cu ta horna pan di berdad, y brouw cerbes di berdad, empodera cu energia di amor, transmiti den cada hap y den cada slok!
