E diseñadora, Magali Maduro, su satisfaccion mas grandi creando e uniform pa Team Aruba pa Olimpiada, ta ora por logra pone Aruba riba un plataforma global caminda su nomber ta resona y ser recorda pa semper. Biyon di espectador rond mundo por a reconoce Aruba como pais den e desfile di Nacion, ‘Parade of Nations’, manera e ta ser yama. Magali ta sinti cu e ta manera un ganadora di medaya di oro pa su pais.
Hopi hende kier sa ken Magali Maduro ta y con e ta ‘approach’ su trabao como diseñador. E ta bisa cu e ta pone su curason na su trabao, talento, instinto y no ta scucha ni mira kico otro ta haci of bisa, pa no perde enfoke. “Mi ta gusta locual mi ta haci. Mi ta focus riba kico mi ta haci bon y mi ta uza mi imaginacion y creatividad na tur oportunidad. Mi Icono y personalidad ta mi originalidad y ta purba pa ta semper diferente den estilo, cu un sentimento di patriotismo ora ta pensa riba mi pais”.
Magali su experiencia durante 20 aña como diseñador y autor intelectual di idea pa uniform Olimpico tanto pa e trahe deportivo como di e desfile di inauguracion, ta uno sumamente importante, exitante y gratificante. El a siña cu identificacion como pais tin hopi di haci cu locual ta ser presenta den e prome salida y mester impacta den e Desfile di Inauguracion. Lesa e entrevista completo di Magali Maduro den edicion di Focus Digital di september, cu ta accesibel ‘gratis’ via Apple Store of Android Google Play Store, cu por download e aplicacion riba un smartphone of tablet.
Hair & Makeup: Envy Beauty Salon
Fotografo: Suhaila Alders
Localidad: Boulevard Events Aruba
