E coleccion ‘MEMORIA’ di MAISON RYON ta rindi homenahe na e mama di Ryon: e director creativo tras di e marca. Enfatisando e significativo di tempo, e coleccion ta celebra e recuerdonan cu ta florece cu cada dia cu ta pasa. E esencia di nos momentonan mas briyante ta graba pa semper den ken nos ta y den ken nos a converti.
Amor y Luz semper ta central
E coleccion aki, centralisa rond di un azuleho unico y exkisito, ta un homenahe na e patrimonio rico di Aruba. E inspiracion di e diseñonan ta e azulehonan antiguo, cu ta dorna e monumentonan autentico di Aruba, cada diseño ta un pieza cu ta envolviendo historia y arte. E azuleho specifico cu a duna origen na e creacion di e coleccion aki ta bin di un luga balora na Oranjestad: Wilhelminastraat 57, awor conoci como Taste My Aruba.
E diseñonan aki ta den colaboracion cu un proceso di fabricacion local, cu ta haci’e un producto MADE in ARUBA den man di Gilberto Alfonso Rodriguez Leal y su ekipo, cu tin un un trayectoria como specialista den trahe di baño, diseñador y sastre na Aruba pa mas di 10 aña.
E diseñonan a ser reinventa cu presicion den prints elegante, cu ta captura e esencia cultural di e marca y na mesun momento ta rindi homenahe na e pasado vibrante di e isla. Cada pieza ta un obra di arte cu ta resona cu e espirito di Aruba y e conexionnan personal cu ta haci’e infinito.
E palet di e colornan ta captura di un manera bunita e conexion profundo entre dos persona. E ta highlight e color faborito di Ryon, cora, y e blauw tan gusta pa su kerida mama, na ken e coleccion ta dedica. E dos colornan aki ta mescla cu e blanco mas puro, simbolisando un vinculo fuerte, un refleho di e conexionnan significativo cu nos tur ta comparti cu nos sernan keri.
E historia aki tin como obhetivo pa inspira na sinti e mesun cercania a traves di e diseño aki. E tokenan delicado di motifs floral ta laga nos sinti e nostalgia di e flornan y e emocionnan cu nan ta transmiti den nos bida. E wielnan cu tin den e diseño ta representa e paso di tempo, recordando nos cu tempo ta nos posesion di mas precioso.
E coleccion ‘MEMORIA’ di MAISON RYON a ser dedica na e hende muhernan cu ta importante pa Ryon Dijkhoff, e director creativo di e marca!
Un elemento profundamente emotivo di e diseño aki ta e quote tanto den e idioma nativo di Aruba, Papiamento, como den Ingles. E combinacion di lenguahe y diseño ta invita bo pa sinti e calor y amor di Aruba den cada bista, creando un conexion infinito cu ta resona profundamente.
Pa MEMORIA HEIGHTS TILE, e diseño ta basa riba e historia rico y encanto nostalgico di San Nicolaas durante su epoca di gloria for di 1924 pa 1985. E tempo cu Lago Oil and Transport Company a trece prosperidad den e region. E palet di colornan ta un homenahe na Lago Colony, Lago Heights y Esso Heights. Inspira pa e influencia Americano, e esencia di e azuleho aki y su diseño ta resumi maraviyosamente den e siguiente descripcion: “E TESORONAN DI MI MEMORIA, TA FLORECE DEN UN BIDA NOBO”
