Na final di su show di 50 aniversario na Central Park, Ralph Lauren a yora y e audiencia a lanta para pa dune un “standig ovation”. Na comienso di e elegante dinner cu a sigui, Oprah Winfrey a haci un toast pa e poderoso simbolismo den su trabou, reflehando no solamente su propio historia di exito Mericano, sino di hopi otro mas. Pa cualkier compania Mericano, 50 aña ta remarcabel, particularmente pasobra Lauren ta permanece na e timon. Pa añanan largo, moda Mericano tabata ser defini pa Ralph, Calvin y Donna. Otro nombernan monumental manera Oscar de Renta y Bill Blass a muri y legacía di nan marca ainda mester ser determina. Ralph no ta simplemente permanece, pero ta continua cu su soño.
Oprah Winfrey den su toast na honor di e diseñador, a describi con su mes a sinti e progreso den su carera, momento cu e por a surti su baño cu ‘bath sheets’ di Ralph Lauren – no ‘towel’, pero clechinan enorme y luhoso. Esey a simbolisa cu bo a logra algo, cu bo a haya entrada of kisas djis un punto di apoyo den e clubhouse di exito Mericano. E espectaculo di 50 Aniversario di Ralph Lauren den moda tabatin menos di haber cu moda pero mas cu e parti narativo. E tabata e evaluacion di un storia largo riba e moda estadounidense como un negoshi y un parti di e cultura popular. E magnatenan di negoshi, media titans, politico- y artistanan a reuni pa rindi homenahe na Ralph Lauren. E historia cu Lauren tabata conta mientras e modelonan tabata bahando di e trapinan di Bethesda Terrace na New York tabata di profundidad y influencia.
