Despues di hopi speculacion, e lansamento oficial di “Aruba Island Take Over” a tuma luga y Aruba lo conoce un festival cu lo ‘take over’ nos isla pa 4 dia yena cu fiestanan, ‘happy hours’ y un mega concierto. Ta trata aki di un di e conciertonan di mas grandi den historia di Aruba cu presentacion J. Balvin, Bad Bunny, Alex Sensation y Jeon.
Press Conference Aruba Island TakeOver
Press Conference Aruba Island TakeOver
Posted by Elite Productions & Entertainment on Thursday, September 6, 2018
Di November 1 pa November 4 2018, Aruba Island Take Over lo ta e anfitrion di entre otro un welcome party, Aruba Ariba happy hour, pool party, beach party, boat party como tambe e concierto di aña. Tanto e DJnan como tambe e artistanan grandi cu lo t’ey ta un atraccion riba nan mes pa grandi y esunnan mas hoben cu ta bin bishita Aruba, banda di e mezcla di genero musical manera reggaeton, urban, house music y techno entre otro, cu tambe e turistanan lo por disfruta di dje durante e “Aruba Island Take Over”. Entre otro riba diasabra lo tin un tremendo Pool y Beach Party presenta pa EF y Partai. Aki por mira con e mundo urbano ta topa cu esun electronico den un festival.
Pa mas informacion, line-up di artista, compra di tickets y mas bishita www.islandtakeover.com of www.facebook.com/islandtakeover.
