Kayeann Sajul & Fabian Rojas a bisa ‘SI’ na otro dia 19 di januari 2018 na Misa Santa Filomena na Paradera den compania di nan famia- y amistadnan. E bunita historia di amor a cuminsa na 2010, ora cu Kayeann y Fabian a mira otro pa prome biaha na Divi Tarmarijn All inclusive Resort, na momento cu Kayeann a bay pa haci un stage eynan. Fabian tabata traha den ‘’engineering’’ y Kayeann mester a traha hopi cu ne. Di eynan nan a bira amigo y un chispa a cende di amor.
Nan boda tabata simpel y elegante y nan a haci dos tradicion di nan cultura den e boda. Durante e prome baile e invitadonan ta pone placa riba nan paña cu pins y esey ta un tradicion Filipino. Nan invitadonan, cual hopi tabata di Aruba y Colombia, a encanta e baile aki pa por a presenci’e. No por a laga afo e famoso ‘ora loca’, unda e invitadonan a goza sin fin y e ceremonia di misa, cual ta un tradicion di Colombia.
E momento mas special pa Kayeann tabata cu el a drenta misa y cuminsa cana riba e tapijt cora pa yega dilanti, tabata hopi special di por wak e persona cu e ta stima hopi dilanti ta warda riba dje. Di otra banda tabata hopi emocionante tambe, paso su tata no tabata t’ey pa por a wak y experiencia e momento ey, ya cu el a fayece october cu a pasa. Den edicion di FOCUS di e luna di april por lesa mas di e bunita historia di amor di Kayeann Sajul y Fabian Rojas.
