E representante di Aruba na Reinado Internacional del Café 2016, Thalia Croes, ta disfrutando su etapa como mama cu nacemento di su baby boy Max Austin Lopez. E bida hunto cu su pareha Jhon Lopez a cambia por completo. Awo nan focus ta mas riba Max cu riba nan mes manera Thalia a comenta na e portal aki; “Bida a djis bira mas dushi cu nos baby boy aden”.
E ex-miss ta describi e momento cu el a carga su baby pa prome biaha den su brasanan como un sentimento increibel, cu e tabatin gana di yora y hari di alegria na e mesun momento.
Nan prins a nace 3 dia prome cu e fecha cu e ta ‘uitgeteld’, pues dia 20 di januari 2018. Thalia ta haya cu e parto a bay basta bon y lihe. El a yega hospital pa 2’or di madruga cu 3cm habri y pa 6’or e tabatin alrededor di 7cm habri, y ya pa 9’or di anochi e tabatin casi 9cm habri. E parti di parto mes a cuminsa alrededor di 9or y mey, y pa 10:09AM nan baby Max Austin a nace.
“Unico complicacion tabata cu despues di e parto mi a haya un bloeding y mester a bai O.K.”.
Ki a pasa den bo mente ora bo a mira bo baby?
Mi no por a kere e momento a yega asina lihe pa mi conoce mi prins. E tabata asina dushi, inocente, e momento tabata djis Magico.
Segun Thalia cu honestamente e tin cu bisa cu baby Max ta parse su papi por completo, di su cabey preto, pa su dedi pianan largo. E nanishi kisas ta di dje pero voor de rest ta papi papi.
Actualmente Thalia ta un studiante di Universidad di Aruba, faculty of Arts and Science. Prome aña den e programa; Organization,Governance and Management.
Nomber di baby: Max Austin Lopez
Hora cu el a nace: 10:09AM
Peso cu el a nace: 8 liber 3 ons
Docter/Partera: Akil Arrindell
