Den edicion di FOCUS di april Mitch Almary ta conta tocante con e ta anda cu su bida priva y como artista den spotlight. E ta considera cu nan ta dos rol diferente. Den ambos rol e tin diferente responsabilidad pa cumpli cu nan. Su bida priva e ta mantene priva y como artista e ta mas profesional posibel, pa asina cumpli cu su trabou, respeta su fanaticonan y semper trata di mantene un humildad.
Mitch a splica cu e cancion ‘Agente di Paz’ ta papia con nos tur mester bira soldad di paz den pueblo; un pueblo cu tin paz, ta un pueblo cu por traha hunto y trahando hunto nos lo por logra hopi mas pa nos pais. Esaki ta e mensahe cu Mitch y tur esunnan involucra kier trece den e cancion aki. Saliendo ganador di festival un Canto pa Aruba su Himno y Bandera 2018, tabata un sentimento satisfactorio.
E cantante aki a drenta den mundo di farandula na aña 2005 den e prome edicion di Sparkling Tour, unda el a keda na tercer lugar. Desde e momento ey diferente banda local a acerce, caminda pocopoco el a siña kico kiermen, forma parti di un frontline di un banda. Durante temporada di zomer na aña 2013, e banda Tsunami a acerce, pa forma parti di nan front line. Busca bo FOCUS di april pa lesa mas di e entrevista completo cu Mitch Almary.
