E prins cu a nace dialuna 23 di april finalmente awe diabierna mainta prins William y Kate Middleton, ta anuncia e nomber di nan tercer yiu, Louis Arthur Charles. E baby lo ta conoci como “His Royal Highness Prince Louis Arthur Charles of Cambridge”. E nomber Charles ta probablemente na tributo di prins Charles su omo grandi, Earl Mountbatten, cu a ser mata pa IRA na 1979. E ta origen Frances y Aleman, y ta significa ‘guerrero di renombre’. E escogencia di e nomber por a cay como un sorpresa pa e observadornan real, debi cu esey ta un di e nombernan di prins George, y tambe di prins William. Mientras cu Arthur tin lazonan real fuerte, y ta un di e nombernan di tanto prins William como prins Charles. E ultimo nomber Charles ta un inclinacion cla pa William su tata, ken su nomber ta Prins Charles Philip Arthur George.

 

Photo Credit: The Duchess of Cambridge 2018.

Interesante ta cu esaki ta un hecho historico pa e Famia Real Britanico, especialmente pa prinses Charlotte. Dicon pa prinses Charlotte? Esaki ta paso prinses Charlotte a bira e prome hende muhe den e realesa Britanico cu ta conserva su derecho na e trono apesar cu e baby real ta un mucha homber. Antes di e ley di Sucesion di e Corona di 2013, un yiu homber ta subi riba e lista prome cu e yiu muhe mayor riba e linea di sucesion. Esaki a sucede cu Prinses Anne cu apesar tabata di dos yiu di Reina Elizabeth, e tabata bou di su rumannan menor prins Andrew y prins Edward den e linea di sucesion. E peuter Prinses Charlotte ta e prome realesa Britanico cu su genero no tin di haber cu su derecho na e trono.

LEAVE A REPLY

Please enter your comment!
Please enter your name here