Kiara ta na El Salvador representando Aruba na e certamen di Miss Teen Americas 2018, cual su meta principal ta pa uni paisnan americano hunto, esta pa reina union y paz.
Actualmente tin 15 pais participando pa e titulo di Miss Teen de las Americas 2018. E puntonan cu ta wordo husga ta beyesa integral, proyeccion y armonia di curpa conhuntamente cu e preparacion y inteligencia di e candidatanan. Obviamente nan ta wak tambe e disciplina di e candidata y su comportacion durante e siman di e competencia y su entusiasmo y carisma.
Kiara a biaha pa El Salvador acompaña pa su preparador, Edgar Kock, hunto cu su mayornan Debrah y Karel como tambe su dos tantanan, Ingrid y Astrid.
FOCUS a tuma contacto cu Edgar pa haya su comentario di nos embahadora di beyesa cu manera el a post riba su facebook, cu di modelo, el a bira miss y di miss el a bira un amiga, y di amiga el a bira manera un sobrina cu awe e por yame famia.
Segun Edgar cu Kiara ta un beyesa den su totalidad. Sigur un di e fuertenan pa e edicion aki. E ta wake sigur den e top 7, y e por durf di bisa cu e ta fuerte tambe pa e Top 4 cual titulo lo ta den e caso aki pa Miss Teen Americas del Caribe.
E reaccionnan cu Kiara ta ricibiendo ta hopi positivo durante su participacion na El Salvador. Su beyesa y humildad ta destacando pero tambe su personalidad pa cu e trato na cu e otro hendenan. Loke Edgar a comenta ta cu: “Unda cu Kiara bira e hendenan ta keda wak’e y duna compliment cu e ta super bunita y incluso e preparadornan di e otro paisnan ta wake como un di esnan mas fuerte pa cu e aña aki”
Te ainda Aruba a sobresali den e ronde di e potretnan oficial mirando e hecho cu Kiara ta un modelo y esaki ta haci e ronde aki uno facil pa su persona. E ronde cu Edgar ta’ looking forward’ pe sigur ta esun banda di lama unda nan lo scoge e “Top 3 Best Body” y di cual e cuerpo di hurado lo scoge e miho pa e anochi final. Sigur Kiara tin su curpa harmonioso y prepara pa cu esaki y Edgar ta wake den e Top 3 miho curpa.
Nos ultimo pregunta na Edgar tabata cu su experencia den certamennan di beyesa, con e ta mira nos representante pa e final. Su contesta: “Sigur mi ta wak Kiara fuerte pa e final unda lo tin un Top 7 cu mi ta wak Aruba aden hunto cu Brazil, Panama, Paraguay, Puerto Rico, Republica Dominicana y Canada te cu awor. Pa e top 4 te ainda mi tin: MTA del Norte, Canada MTA del Centro, Panama MTA del Sur entre Brazil y Paraguay, MTA del Caribe Aruba.
