E deseo di Ruthlene Flemming y Sherwin Sanchez a keda cumpli momento cu nan a kibra e blaas y haya sa cu nan lo ser bendiciona cu un ‘Baby Girl’. E momento ey tabata yena di emocion y alegria pa e pareha como tambe nan famia y circulo di amistad presente. E ‘Gender Reveal Breakfast’ tabata un mainta bunita organisa unda cu a disfruta di un brunch y mimosa den un ambiente familiar na Le Petit Café.
Si nos bay algun luna atras riba e website di FOCUS unda cu Ruthlene a contesta e pregunta si e ta desea awor un yiu muher, el a contesta cu e tin dos yiu homber Joshua (12 ) y Easton (2), cu e ta stima nan super hopi. Nan ta mega pega cu mami y mas cu claro ta un anhelo di su curason pa e tin un yiu muhe. Sherwin ta desea intensamente un yiu muhe y su motibonan ta; pa di prome un yiu muhe ta pega mas cu e tata y di 2 dos, e kier pa e ta mesun bunita cu e mama. Esey ta loke Sherwin ta bisa tur hende constantemente.
E unico dos persona cu tabata sa e ‘gender’ di e baby tabata; Nadia de Veer, amiga di Ruthlene, y Marlene Maduro cu ta mama di Ruthlene. E resultado di e echo a ser entrega den un envelop na Nadia y diadomingo mainta 3 di juni Ruthlene y Sherwin a haya sa cu na september nan lo carga den nan brasa nan yiu muhe. Manera cu Ruthlene a bisa cu si ta un mucha muhe nan lo ta ‘over the top happy’ y awor lo cuminsa planea pa yegada di nan ‘baby girl’.
Fotografo: Micheal Naar
