DIVINO ta un compania distribuidor cu a inicia desde aña pasa na Aruba ofreciendo un portfolio extenso di ‘spirits’ na Aruba. Ubica den un edificio grandi y moderno den e zona industrial, cu bo no por perde bandi’i caminda ora ta pasa den Eagle. Divino a crea un espacio den e edificio specialmente unda nan por host un lunch pa cualkier celebracion of simplemente un lunch priva cu wine pairing.
Un biaha pa siman riba diamars Divino tin su lunch y pa luna di juni su menu ta consisti di:
Ceviche & Chips
Matua Sauvignon Blanc
Short Rib & Truffle Lacque
Shafer Relentless
Chocolate & Berries
Conundrum Red
E invitacion a yega na FOCUS pa forma parti di un grupo di invitado specialmente for di e sector di horeca pa disfruta di e lunch. E director y co-propietario di DIVINO, Michael van den Berg, ta duna un historia cortico di cada biña cu ta haci e ‘pairing’ cu ne. E chef cu a prepara e menu exkisito ta Ilja Cybulski y el a ricibi hopi compliments for di e grupo invita cu sigur ta personanan cu un paladar exigente.
