Tabata na mei 2017 cu famia Aparicio a muda pa Hulanda, despues di a ricibi e noticia positivo cu Jayroy lo bira hungador oficial di Feyenoord. E mayornan di Jayroy ta; Roman y Sue-Ann, y e tin un ruman homber mas cu ta Jaymar.
Roman Aparicio a hunga futbol for di su 14 aña te cu 36 aña y prome cu nan a muda pa Hulanda aña pasa, el a retira for di e deporte. El a dicidi pa dedica 100% na su famia y na Jayroy, pa e por train cu ne y dun’e motivacion como tata. Jayroy cu apenas 1 aña y mey, ya caba tabata entretene su mes cu su co’i hunga preferi; un bala. Cu 3 aña el a cuminsa hunga cu Mini Mini di RCA y cu su 5 aña nan a wak un talento special den dje. Ora cu Jayroy a cumpli 6 aña su mayornan a busca tur informacion, pa por hib’e haci un ‘tryout’ na un ‘talentendag’ na Feyenoord.
Cu e talento unico cu Jayroy tabata demostra riba veld di futbol, Roman y Sue-Ann, a dicidi cu lo ta un bon idea pa laga Jaymar haci un ‘tryout’ na Hulanda. E pais tabata familiar pa ambos y na februari 2017 nan a bula pa Hulanda y dia 27 di februari a haci e ‘tryout’ aki. E scoutnan a keda encanta Jayroy y a acerca nan na liña y puntra si nan ta e mayornan y si nan ta biba na Hulanda, door cu nan a wak cu Jayroy, e momento ey, no tabata compronde e idioma. E mayornan a contesta e scout cu: “No”, y el a puntra nan: “Si nos tuma Jayroy ki lo pasa?”…”Nos a bisa cu nos lo bin cu ne Feyenoord.” … Lesa e entrevista completo den revista FOCUS di juni.
Fotografo: Brandel Bardouille
