Dedicacion na nos Tatanan

Cua ta un regalo memorabel cu bo a ricibi pa Dia di Tata?
Mi prome Dia di Tata cu mi yiu muher. No tin nada mas bunita pa wak un cara chikito ta ‘look up’ na abo como su “Super Dad” y e sentimentonan ey ta ‘priceless’.

Un deseo pa bo yiu ta:
Mi ta desea cu mi yiu por pasa tur obstaculo den bida cu confiansa y pa por para duro den su sapatonan, logrando cualkier meta cu e pone su dilanti. Tambe pa e encontra magia, felicidad, alegria y amor riba e ‘journey’ aki.

Cua ta un regalo memorabel cu bo a ricibi pa Dia di Tata?
Esey ta pasa tempo cu mi yiu, mi no tin e luho di tin e cu mi tur ora, pues semper esey ta e miho regalo pa mi.

Un deseo pa bo yiu ta:
Cu semper e lo tin su salud y cu semper mi lo t’ey p’e, ora e mester di mi.

Cua ta un regalo memorabel cu bo a ricibi pa Dia di Tata?
Nos no ta echt celebra Dia di Tata den un manera cu regalo. Nos ta haci algo hunto si, mane; bay beach of otro actividad familiar.

Un deseo pa bo yiunan ta:
Pa nan ta ‘strong minded’ cu bon caracter. Pa nan ta haciendo loke sea cu nan ta gusta y ta orguyoso di nan mes.

Cua ta un regalo memorabel cu bo a ricibi pa Dia di Tata?
E alegria incomparabel cu mi a ricibi aña pasa como mi promer Dia di Tata.

Un deseo pa bo yiu ta:
Pa Zane sigui haya e amor, atencion y guia mereci di nos como su mayornan. Esaki ta e parti mas importante cu Zane mester awor y tambe su ruman, cu ta na caminda pa e por tin un compañ’e pa crece cu ne.

Cua ta un regalo memorabel cu bo a ricibi pa Dia di Tata?
E regalonan memorabel ta esunnan cu nan mes ta traha na scol. E tipo di regalonan aki ta esnan cu ta yena mi curason.

Un deseo pa bo yiunan ta:
Mi deseo pa mi yiunan ta, pa nan logra mas cu ami a logra te cu awor. E erornan cu mi a haci den pasado, lo mi percura pa nan no haci nan. Ami ta wak mi yiunan manera un ‘wiskundige formule’, loke bo hinca positivo den nan, lo bo lo haya positivo bek. Mi tres J’s, mi ta stima masha hopi mes.

Cua ta un regalo memorabel cu bo a ricibi pa Dia di Tata?
E regalonan memorabel ta esunnan cu mi yiu mayor ta traha. Mi yiu muhe mayor ta hopi creativo y ta traha hopi obra di man y cu significacion hopi profundo pa mi. Esun mas chikito ta gusta cumpra regalo mas tanto, pasobra e mes ta gusta habri nan.

Un deseo pa bo yiunan ta:
E deseo mas grandi pa mi yiunan ta, pa nan tin un relacion cu Dios. Pasobra mi ta sigur si nan tin esey, nan tin tur cos cu nan lo mester pa den nan bida.

Cua ta un regalo memorabel cu bo a ricibi pa Dia di Tata?
E miho regalo cu mi por a ricibi ta, pa por tin e bendicion di wak mi princesa lanta tur dia cu un sonrisa y lanta su brasa pa mi carg’e, pa e brasa mi. No lo tin nada material na e bida aki, cu lo por surpasa e momentonan inolvidabel nan aki.

Un deseo pa bo yiu ta:
E deseo di mas grandi di mi curason pa mi yiu ta, pa e por sigui riba e bon caminda y cu mi lo haci mi maximo esfuerso di gui’e den dje. P’e sa cu mi ta para su tras, den cada desicion cu e tuma den bida.

Cua ta un regalo memorabel cu bo a ricibi pa Dia di Tata?
Un pintura cu el a pinta, tempo cu e tabata tin un aña, ta algo cu lo mi no lubida facilmente.

Un deseo pa bo yiu ta:
Mi ta spera cu lo e siña combersa na diferente idioma, por lo menos 6 of 7!

Cua ta un regalo memorabel cu bo a ricibi pa Dia di Tata?
Un potret di mi yiu ora e tabata 7 aña, caminda e ta bisti manera “un tata old fashion” cu camisa, dashi y sombre, den color sephia, den un frame di palo. Algun otro regalito cu e a traha na scol, tin biaha ta dificil pa scoge djis un.

Un deseo pa bo yiu ta:
Cu den bida mi yiu logra ta feliz cumpliendo su soñonan.

Cua ta un regalo memorabel cu bo a ricibi pa Dia di Tata?
Un glas geverf for di mi yiu mas grandi y un keychain for di mi di dos yiu. Y tambe ora nan ta traha desayuno special pa Dia di Tata. E aña aki sigur Dia di Tata lo ta uno special y memorabel, door cu lo ta mi prome Dia di Tata cu nan tur 3, door cu aña pasa mi no tabata na Aruba.

Un deseo pa bo yiunan:
Na prome luga pa nan tin salud, pa nan studia y bira persona independiente y logra loke nan kier den bida. Mi kier pa semper nan tin den mente cu ‘everything is possible’ tanten cu bo traha p’e.

Cua ta un regalo memorabel cu bo a ricibi pa Dia di Tata?
Esunnan cu nan mes ta traha na man. Mi ta mira nan curason y amor den cada un di nan, por ta un pintura etc. y esun cu mas mi ta gusta, ta cu semper nan ta skirbi; Papi bo ta e miho tata di mundo y mi heroe.

Un deseo pa bo yiunan ta:
Pa nan stima Dios y por biba den e plenitud di nan diseño original.

Cua ta un regalo memorabel cu bo a ricibi pa Dia di Tata?
Tur aña e ta bisa cu e ta regala mi su miho regalo; un braza y un sunchi.

Un deseo pa bo yiu ta:
Awendia mucha, no ta mucha mas! Ta feliz aparentemente, no ta simplemente door di haya un regalo, pero toch asina mi ta desea pa mi yiu sigui ta e mucha bon mucha, obediente, respetuoso y sigui haci mi orguyoso, di ta; su tata.

Cua ta un regalo memorabel cu bo a ricibi pa Dia di Tata?
Tur locual e muchanan mes ta traha na scol. Esey pa mi ta e regalo di mas bunita cu un tata por ricibi. Y sigur e brasa y sunchi poco mas duro cu e dianan normal.

Un deseo pa bo yiunan ta:
Salud, biba feliz y pa nan sigui riba e bon caminda y realisa tur nan deseo- y metanan.

Cua ta un regalo memorabel cu bo a ricibi pa Dia di Tata?
Mi tin hopi. E ultimo ta un cuadra den mi oficina di Victoria.

Un deseo pa bo yiunan ta:
Pa nan ta liber. Pa nan ta tur loke Dios a crea nan pa nan ta. Pa nan ta feliz.