Despues di a gana e premio mas grandi di NAHA (North American Hairstyling Awards), y a keda nombra como e “Estilista di Aña”, e conocido director creativo di L’ANZA, Matt Swinney, tabata pa prome biaha di bishita riba nos isla.
E proposito di su bishita tabata pa duna un tremendo workshop di corte y color na tur e estilistanan di Aruba y asina informa un y tur di e ultimo tendencia- y tecnicanan den e mundo di beyesa. Matt Swinney ta un persona sumamente conoci den e mundo di estilismo mirando su gran logronan riba pasarelanan international manera New York Fashion Week. Banda di esaki Matt a wordo considera y ta carga e titulo di e “Genio di Beyesa” den e mundo di estilismo.
E workshop di Matt Swinney a tuma lugar den Alhambra Ballroom na unda tur estilista presente a ricibi tur loke ta encera e regla y ‘guidelines’. E director creativo di L’ANZA a comparti escenario cu otro experto di beyesa, Roberto Avalo, cu tabata e traductor na e idioma spaño pa tur hende den e sala por a sigui e workshop. Esaki tabata un evento di Medicosmetics Aruba N.V. hunto cu L’ANZA.
