Despues di a hunga futbol profesional durante 7 aña pa Sparta Rotterdam, como tambe diferente team den division di semi-prof, Eric Abdul a regresa Aruba na 2014. Aruba tambe a brind’e oportunidad di sigui cu locual ta su pasion y actualmente e ta portero pa e team S.V. Dakota, portero di seleccion di Aruba y coach di Aruba Soccer Academy.
Banda di futbol, Eric ta purba di biba un bida balansa, dunando tempo y atencion na su carera den hospitalidad, su famia, su pareha y specialmente su yiu homber, Jordan. Eric a cuminsa su carera na november 2014 den e industria hotelero, sin mucho experiencia, pero cu e meta pa traha pa un cadena hotelero di prestigio. El a cuminsa como un ‘beach attendant’ na The Ritz-Carlton Aruba, cual ta encera asisti e huespednan durante cu nan ta disfruta di lama y e hotel su areanan di recreacion. Eherciendo e trabou aki, su mision tabata pa cada huesped su estadia ta uno extraordinario y cu nan ta keda cu e deseo pa regresa.
Como un futbolista FOCUS a puntra Eric cua ta su team preferi pa e World Cup 2018 y su contesta tabata Belgica. Dicon? “Door di cu Belgica a hunga tremendo pa e weganan di calificacion pa World Cup y ya cu Hulanda no a den e mundial aki, mi team preferi ta Belgica pa e World Cup 2018”. Por lesa e entrevista di Eric Abdul den revista FOCUS di juli y locual cu a atrae pa join e team di e extraordinario The Ritz-Carlton Spa, Aruba.
