Diasabra ultimo den un sala completamente yen Angela Baidez a presenta un live concert riba Freewinds. Esaki ta alrededor di su 10 concierto riba e barco y tabata uno hopi special y bunita. E publico a disfruta di un repertorio internacional, cu cancionnan di entre otro; Gloria Estefan, Mana y algun tema clasico manera “Nights in White Satin” den version italiano, cu ta un di Angela cu cancionnan faborito y cu semper e ta canta. E temanan flamenco tambe a cay na agrado y a ricibi bon respectividad di e publico. Angela mes a sintie hopi bon y el a nota e amor di e hendenan, cu el a yega na nan curason. Esey ta e intencion di su musica, cu ta un lenguage cu por yega na tur hende na un manera hopi bunita.
Angela lo bay keda na Aruba pa un temporada largo, paso e tin basta proyecto di musica, concierto y di diseño interior pa realisa. Desde 2 aña pasa e ta traha profesionalmente como diseñadora di interior aunke semper e tabata un fanatico di decoracion. El a haci un curso breve na Spaña y a inicia den e trabou aki na cas di su amiganan, y asina el a crece rapidamente. Actualmente e ta decorando un cas cu ta kedando hopi bunita y na augustus e lo sigui unda el a haci hopi cambio y esey e ta encanta. El a decora algun penthouse na Spaña cu tambe a keda fabuloso y aki na Aruba el a realisa un mural di ceramica na un cas den Tierra del Sol. Un muher sigur yen di talento y creatividad ta con nos por defini Angela Baidez, cu ta encanta Aruba pa su ambiente y principalmente e lama cu ta dune hopi energia.
