Aruba Marriott a organisa dia 25 di juli e “1st LGBT Culture Day” den Caribe, unda Marriott su directora di Multicultural Affairs, Seema Jain, hunto cu e co-presentador Hendrik ‘Endy’ Croes, a duna un presentacion special con pa comunica eficientemente a traves di cultura cu focus riba cultura LGBT.
E “LGBT Culture Day” a tuma luga den e Grand Ballroom y el a ser dividi den dos sesion; un sesion pa asociado-, supervisor- y gerentenan di Aruba Marriott y un sesion atardi pa e clientenan local di Aruba Marriott. El ballroom su setup a keda na encargo di The Perfect Team y e centronan di mesa pa Elsa’s Flower Shop.
Aruba Marriott ta encanta di a organisa e evento aki pa promove igualdad, diversidad y inclusion den e comunidad local, amplificando e apoyo di Marriott pa e comunidad lesbiano, gay, bisexual y transgender (LGBT) y transmitiendo su compromiso pa haci cada biahero y asociado sinti nan comodo di ken nan ta, unda cu nan ta traha of biaha.
Marriott ta un compania di hospitalidad global cu ta comprometi pa pone e ser humano prome y crea un ambiente acogedor di inclusion y igualdad pa tur su huesped- y asociadonan. Esaki ta inclui e comunidad di lesbiano, gay, bisexual y transgender (LGBT), y nan famia y aliadonan.
