Dos persona cu a cruza mirada 15 aña pasa na un fast food local, unda cu Michelle tabata part-time crew trainer y Rudolfo e cliente. For di e momento cu Michelle a yud’e, su sonrisa a keda graba den Rudolfo su mente. Nan no tabata sa, cu nan tabata bayendo e mesun scol; Colegio Arubano y despues di nan prome encuentro, Michelle y Rudolfo a cuminsa topa otro diariamente na scol.
Recientemente e pareha a celebra nan di 10 aña di bida matrimonial, unda cu a bin varios recuerdo dilanti, manera nan prome ‘date’, cu tabata un Prom Night y despues di a celebra 5 aña di noviazgo, Rudolfo a pidi Michelle su mayornan pa nan casa. E sentimento pa Rudolfo ta increibel celebrando nan 10 aña casa. Hopi tabata bisa cu ‘nada no lo cambia’, ora bo casa. E por bisa cu hopi cos a cambia. Bo ta siña conoce otro mas y te ainda despues di 10 aña tin cos di Michelle cu e ta siña di dje. Pa Michelle e ta un sentimento hopi bunita cu ta yene cu hopi emocion. E no ta sinti cu el a djis haya e amor di su bida, sino tambe su miho amigo. Rudolfo a demostre cu den tur circunstancia, semper e lo t’ey pa apoye. Den revista FOCUS di e luna aki por lesa e entrevista completo di Rudolfo & Michelle Dirksz.
