Design Week Curaçao tin e vision pa trece colaboracion entre e diseñadornan di Curaçao (residencia eynan of den exterior) y diseñadornan internacional, pa atrae e atencion di e comunidad di Curaçao a trabes di e exhibicion di moda. Design Week Curaçao ta un introduccion di diseño riba un nivel profesional y pa stimula e profesionalismo den e industria di diseño na hermana isla.
Design week Curacao lo tuma lugar for di 1 pa 5 di november y ta wordo realisa cu e colaboracion di Prins Bernhard Cultuurfonds, como nan “supporting partner”. Nan ta representa loke ta e cultura y nan vision ta pa apoya, inspira y ilustra diseño y arte. Na Design Week Curaçao lo ta presente 40 diseñador internacional for di Curaçao cu ta biba den exterior, Hulanda y for di Aruba lo tey: Elisa Lejuez, Rhona Lemminga, Gionina Engelhardt, Merveline Geerman y Andrew Curiel. Conhuntamente cu e diseñadornan di Curacao nan lo presenta diseñonan di calidad na e evento grandi aki di moda y diseño. E iniciadornan y team di e evento ta e fashion designer David Paulus, visual artist Avantia Damberg, fashion stylist editor Swesdy Beeldsnijder y jewelry designer Marie-Louise Klijn.
Fotografo: Shannon Lee
Modelo: Rebecca Jongkees
Design: David Paulus
