Aruba Airport ta reconoce cu tin un interes fuerte den plane spotting riba nos isla. “Nos a ripara cu mas y mas, spotters ta tag Aruba Airport den nan potretnan y p’esey a dicidi pa crea un evento special djis pa nan,” segun AAA CEO sr. James Fazio. Aruba Airport a lansa e campaña “Calling All Spotters” bek den april 2018 y a ricibi 40 aplicante.
‘Plane spotting’ ta un tremendo forma pa siña di dje y disfruta di e industria di aviacion y aeronave y linea aereo cu ta rondon’e. P’e esunnan cu ta disfruta di avion, ‘plane spotting’ ta un excelente hobby. Algun fotografo spotter di aeronave, ta saca mas hopi potret di aeronave cu nan por, poniendo atencion riba e diferente tipo y e colornan di cada compania y ta comparti nan potret cu e comunidad online, otro ta warda e number di registracion di cada avion cu nan a yega di spot, cu intencion pa purba di capta mas cu ta posibel of pa corda cua aeronave nan a spot y tambe bo tin otro cu simpelmente ta gusta wak avion bula, sin importa e operador of tipo di aeronave. Den luna di april di e aña aki, Aruba Airport orguyosamente a anuncia e Prome
‘Official Spotter’s Day’ na Aruba, cu a tuma luga riba diasabra 11 di augustus, 2018. Den edicion di revista FOCUS di september por lesa mas detaye tocante e exitoso “Official Spotter’s Day” na Aruba.
