Memey di diferente miss, director di Miss Aruba Foundation –Isai Labadie, y cu presencia di famianan, Anouk Eman a ser corona como Srta. Aruba na Experience Aruba Cafe. Super beya y cu un postura di siguransa, Anouk a ser corona pa e ciruhano estetico, Dokter Jose Luis Martinez Adila, di Venezuela.
Den un combersacion cu Anouk, el a bisa cu aña pasa na e certamen di Miss World, cu e tabatin e parti di inteligencia y disciplina, pero cu e no tabata sa con pa uze. El a comparti cu candidatanan cu tabata docter, pero door cu Aruba ta chikito e no por a link esaki. Anouk a dedica su bida te na 2016 na deporte te momento cu el a cuminsa profila como un reina di beyesa.
“Mi ta wak hopi cu Miss International ta parecido cu Miss Mundo, ora mi a yega aña pasa na Miss Mundo, nan tabata bisa berdad cu e slogan ta “ beauty with a purpose”, pero mi ta haya cu e no tabata enfoka riba esey”. Momento cu Anouk a yega eynan el a haya un feeling cu nan tabata enfoka riba paisnan grandi. Sin embargo e aña aki e ta wak caba cu Miss International ta bon organisa y nan ta enfoka hopi riba e hende muher mes y ki e por haci. Durante un aña e ta bay ta un role model no solamente pa beyesa, pero tambe pa e parti di inteligencia, ki el a haci den su pasado y cu e por yuda otro hende muher.
