For di juni cu Kiwanis Club of Aruba a anuncia e tema di DUBAI WINE GALA, esaki mesora a ser tremendamente bon ricibi. Faltando awor solamente algun dia pa e anochi mas gramuroso di aña, e ultimo ticketnan ta hayando nan doño pa asina e ta SOLD OUT!

E famoso evento anual di recaudacion di fondo organisa pa Kiwanis Club of Aruba, cu su temanan semper bon escogi y impactante, awor cu DUBAI WINE GALA ta spera un otro evento ultra fascinante. E momento cu drenta den Renaissance Convention Center diasabra awor ta manera cu bo a yega Dubai mes. E motion graphic designer, Egmar Irausquin, cu ta e creative director na Elite, ta creando escenarionan di Dubai cu ta un experiencia unico. Esaki ta e prome biaha cu e ta creando un video mapping den Renaissance Convention Center.

Egmar Irausquin

Un tent estilo arabe lo ser instala tambe unda ta bay tin varios atraccion manera henna tattoo painting pa Eshita Asrani. E lo ta presente for di 9or pa 11or di anochi pa pinta gratuitamente pa esunnan cu ta desea. Bou mesun tent lo tin e virtual reality pa otro experiencia mas riba diasabra anochi.

Glamour, Elegancia y Sofisticacion lo keda refleha den su totalidad pa House of Mosaic Event Planners den e decoracion di DUBAI WINE GALA. Sigur nos por cataloga e ‘wine gala’ di Kiwanis Club of Aruba como un top evento unda cu tur e personanan cu cumpra un ticket, cu ademas di contribui pa un bon causa, ta bay experiencia un anochi fastuoso.

LEAVE A REPLY

Please enter your comment!
Please enter your name here