Durante un ceremonia y dilanti un audiencia estelar, Princess Eugenie a casa cu e amor di su bida Jack Brooksbank den St. George’s Chapel na Windsor Castle. E shimis di bruid di Princess Eugenie ta diseńa pa Peter Pilotto y Christopher de Vos, kendenan nunca antes a diseña un shimis di bruid.
Peter Pilotto ta un diseñador di celebridadnan y fashionistanan manera Emma Watson y Olivia Palermo, pero for di awe su nomber lo ta reconoci. E marca cu ta existi pa 10 aña ta conoci pa su diseño di textil innovativo di un silueta femenino y moderno. Princess Eugenie tin amistad cu e diseñadornan pa algun tempo caba y el a yega di bisti nan creacionnan na otro ocasionnan, pero esaki ta esun miho y mas grandi. E diseñadornan a diseña e shimis perfecto pa nan cliente, cu tabata desea e lomba abou pa asina e cicatriz di su operacion di scoliosis mustra. E prinses a haci e operacion tempo cu e tabatin 12 aña di edad. Riba e shimis tin un cantidad di símbolo como decoracion cu ta significativo. E simbolonan ta Thistle for Scotland, The Shamrock for Ireland, The York Rose for England y The Ivy representando e cas di e pareha. E tabata un dia largo y emocional unda cu e speech di Jack Brooksbank a emociona e 800 invitadonan na e boda.
