Diasabra ultimo a tuma luga un anochi special y unico durante instalacion di e directiva nobo di Kiwanis Club of Aruba. Edalitza Weller cu a inicia desde hoben tempo e tabata studiante na Colegio Arubano como parti di famia di Kiwanis Club of Aruba, a ser instala como e presidente di e club. Durante su discurso emocionante Edalitza a elabora con for di hoben e impacto cu Kiwanis tabatin den su bida.
E anochi elegante a refleha cu un presidente hoben ta tuma e liderazgo hunto cu e team, cu el a splica durante su discurso con importante e ta pa tin un aña exitoso. Pa instala e directiva nobo, mester a tuma despedida prome di e directiva anterior y alabes a gradici e directiva saliente y e club completo pa nan dedicacion y e bon trabou cu nan a realisa. E instalacion di e directiva a ser realisa door di Lieutenant Governor pa Division 26 di Kiwanis International sr. André Kelly kende a pin e directiva nobo, cual tin como tarea pa guia nan club den e aña Kiwanistico 2018-2019.
E directornan pa Kiwanis Club of Aruba; John Every, Ryan Kock, Aurora Dijkhoff, Indra Anthony Pereira, Jo- Anne Arends, Nathalie Maduro y Ingmar Ramharakh, secretario: George Croes, tesorero: Claudine Ho Kang You, president saliente Norma Brinkenberg Spellen, segundo vice-presidente: Fernando Rigaud, prome vice-presidente: Linda Lou Huiskes y como presidente Edalitza Weller. Manera cu ya a menciona caba cu Edalitza ta e presidente femenino mas hoben y alabes e prome “SLP” femenino pa bira presidente di e club. “Service Leadership Program” ta e programanan partocina pa Kiwanis Club of Aruba na e scolnan caminda ta siña e hobennan for di tempran liderazgo, con pa traha den ekipo, organisa proyecto- y eventonan pa recauda fondo, y e importancia pa duna bek y contribui cu e comunidad.
