Nos ta biba den e temponan increiblemente desafiante. E clientenan ta cambia, unda ta transforma completamente e sistemanan comercial y mas y mas digitalisacion y tecnologia ta haci su entrada. AFAS Software ta concoci pa su productonan di automatisacion, cu ta ofrece solucion pa tur tipo di empresa. E productonan cu AFAS ta ofrece, ta reuni tur e procesonan di e empresa den un sistema di software. Mediante e uzo di “workflows”, AFAS por automatisa e trabou administrativo, pa asina e empresa tin e espacio pa desaroya mas ainda.
AFAS ta ekipa cu hopi di e servicionan aki y por ofrece esaki na e companianan na Aruba. Desde e inicio 5 aña pasa di AFAS, e team a haci varios implementacion, unda nan a aplica esakinan y ta constantemente bezig cu innovacion di nan productonan. AFAS tin varios prueba di esaki, unda e companianan a y ta beneficia constantemente di e producto- y servicionan. E era di digitalisacion y tecnologia ta hopi mas eficiente y practico y por contribui enormemente na mehoracion di cada exigencia di un compania.
E UZO DI “DIGITAL SIGNING SERVICE”, CON DISPUESTO NOS TA PA UZA ESAKI?
Digital Signing Services ta e firma digital cu AFAS ta ofrece caba na su clientenan na Aruba. AFAS ta ekipa cu e certificacion di mas halto cu tin na Europa. Digital Signing Services ta uza un ‘public key crytography’, cu ta depende riba 3 tipo di proveedor pa entrega e servicio- y tecnologianan necesario; proveedor di solucion, tecnologia y servicio. E proveedornan di solucion ta brinda e plataformanan di firma y e solucionnan di documento. Esaki sigur lo nifica un reduccion den e compania su gastonan, mirando cu tin varios forma di spaar directo na momento cu switch di e proceso di no uza papel: ink, mantencion di printer, papel y gasto di envio.
AFAS Software Aruba tabata un di e partners pa realisacion di e conferencia di “Future for Work”, organisa pa Aruba Human Resources Association (AHRA). E team di AFAS tabata presente na e conferencia cu nan booth, pa duna tur e informacion necesario na e esunnan cu a participa na e conferencia. E filosofia di e AFAS ta alinea cu e tema di e conferencia. E ta un proceso di cambio, cu practicamente no por evita mas. Haciendo nada, por nifica bay atras.
