RRey Willem-Alexander y Reina Maxima a ricibi un gran ceremonia di bonbini na nan yegada pa nan prome bishita di estado na Reino Uni. E pareha real a ser ricibi pa Prins Charles y Duchess of Cornwall na e residencia di e embahador Hulandes y despues e grupo a continua den un desfile di Horse Guards.
Willem-Alexander y Maxima, cu tin un bon relacion cu e famia real Britanico, a ser ricibi formalmente pa e Reina. Manera ta e tradicion den un ceremonia di bonbini, e Guardia di Honor a duna un Saludo Real y e presentacionnan. Reina Maxima (47) tabata mustra encanta di ta bek na Londres. E reina conoci pa su wardrobe ultra-chic, a demostra su conocimento sartorial den un shimis blush y sombre cu ta combina.
Despues di a lunch na Buckingham Palace, Rey Willem-Alexander y Reina Maxima a ser translada pa Picture Galary unda nan a inaugura un exposicion cu ta mustra piezanan di e Coleccion Real relaciona cu Hulanda. E pareha real hulandes, cu a atende e matrimonio di Prins William y Kate Middleton na 2011, a bolbe na e luga di e boda, Westminster Abbey, pa coloca un ofrenda floral na e Grave of the Unknown Warrior. E pareha a haya tambe un recorido cortico den e abadia.
Queen Elizabeth ta e anfitrion di un espectacular cena di gala pa e realesa hulandes na Buckingham Palace. E ultimo bishita di estado na Reino Unido tabata na november 1982, cu e bishita e tempo ey di Reina Beatrix y Prins Claus. Rey Willem-Alexander y Reina Maxima lo reuni cu Prinses Mabel, viuda di Prins Friso, cu ta biba na Londres hunto cu su yiunan, Condesa Luana (13) y Condesa Zaria (12). E miembronan di famia real lo hospeda na Buckingham Palace durante nan bishita na Reino Unido.
