Si, bo ta lesando bon. Shorts y carson cortico ta na moda atrobe! Kisas mester custumbra un poco, pero nan ta hopi practico, confortabel y facil pa bisti cu tur cos y pa tur caminda, cu excepcion pa oficina.
Un saya largo pa anochi of un shimis di anochi bo por combina cu un T-shirt blanco cu diseño. Esey semper ta keda hopi peculiar y hasta e acesorionan mester refleha e actitud di ‘’mi no ta worry’. Bo por uza un tas grandi di cuero y tambe un paar di sneakers of gympen (manera esun di All Stars) lo keda ideal na bo pia.
Sea ta trata di sorbetroze, zalmroze, flamingoroze of fuchsia, no ta importa. Ros ta e color pa zomer 2018. Y ta tur cos, excepto ‘Barbie-achtig’. Esey ta door cu e combinacionnan di color fascinante cu por uza den e zomer aki, pero tambe e blusanan ros ta hopi popular. Y si bo no ta gusta paña di color ros, purba e ora cu e acesorionan ros; un tas inespera ros, renchi orea ros, sapato ros. Ta bay p’e combinacionnan cu bo ta pone y eseynan por ta hopi sorprendente, si bo laga bo imaginacion di moda traha. Tribi di hacie!!!
‘Rechte korte, steile bob’, hopi simpel riba un largura recht corta, parti memey. Naturalmente tambe tin corte cu pony, pero pa e temporada aki, mayoria ta recht.
