Ayera anochi un multidad a goza di e anochi di concierto di Island Take Over cu presentacion di varios artista local y internacional. E festival ta continua awe diasabra dia 3 di November na Renaissance Marina Hotel cu varios dj for di rond mundo, cu lo sa di pone un tremendo ambiente banda di Pool. For di 6 or di atardi e EFxPartai Beach Party ta cuminsa na Surfside. Entre ambos evento lo tin djnan manera Guy Gerber, Matthias Tanzmann, Guti Live, Serge Devant, Abril Love, Hanie. Vainc, Jean Perez, Diego Teran, Rafa Moros y mas. Ta trata di un elenco di dj internacional cu taya cu lo sa di crea un dia fenomenal pa e amantenan di bon musica.
Pa por atende e pool party e persona mester tin su VIP Aito Pass of a cumpra un mesa na e concierto. Tambe por paga $30 si no tin e banchinan aki. Pues di e forma aki ta duna mas oportunidad pa experiencia e pool party. E beach party awe na Surfside ta pa tur hende cu a cumpra un pass pa e festival pues for di General te cu VIP. For di bahada di solo e fiesta lo cuminsa na Surfside Beach ( Serca di Aeropuerto) y lo sigui te den oranan di anochi.
Diadomingo merdia lo start e evento pa clausura e Island Takeover Festival. Esaki lo ta pa 1 or di merdia tambe na Surfside Beach. Directamente for di New York un e djnan mas popular di e area lo ta na Aruba pa asina pone e beach sacudi. E no lo hacie su so, pero hunto cu diferente otro invitado y tambe dj nan local manera Dj Sky, Dj Kash, Renzo M, Big Rig, Chris Stick y Samil. Ta invita tur boto tambe pa ta parti di e evento aki. Pues e invitacion ta keda pa sigui cu e ambiente di Island Takeover awe diasabra cu dos evento y diadomingo cu e ultimo evento.
