E penultimo revista pa aña 2018 tin riba su portada dos diseñador cu nan conexion tabata inmediato. Gigliola Gomez y Camila Terra a conoce otro na Colombiamoda, mientras ambos di nan tabata presenta nan coleccion mas reciente. Momento cu nan a wak e trabou di otro, nan a observa cu por a complementa e vestuario di Gigliola Designs cu e acesorionan di Valentina Terra.
Gigliola Gomez ta diseñador di un marca Caribense, cu tin e encargo, pa bisti y inspira e muher cu silueta femenino. Como marca nan a percura pa proyecta pa yega mas leu y nan ta dicidi pa establece den diferente tienda y boutique na Latino America y Europa, como tambe haci varios fusion y colaboracion cu diferente diseñador.
E marca Valentina Terra a inicia desde e descubrimento di kico ta loke e hende muhernan ta busca, ora di scoge un acesorio cu ta identifica nan. Un tas na final ta e detaye, cu bo ta confia bo obhetonan mas aprecia. E exito di e marca ta den e seleccion di su cueronan y su ‘herrejes’ hunto cu un diseño sobrio y elegante. E vision ta posiciona e marca na henter America y Caribe, pa por potencialisa ken nan ta y kico nan kier proyecta. Lesa mas di e dos diseñadornan aki den edicion di november.
