E carera di e diseñador Arubiano mas exitoso te cu awendia, Percy Irausquin, influencia pa su mama y su rumannan muhe y despues di casi 10 aña di su fayecimento, Connie ta inicia cu su carera profesional, inspira pa su ruman mas chikito. Mescos cu su ruman, cu e ta yama su ‘Angel’, pa Connie tambe moda semper ta su pasion y ta awor el a realisa cu e tin cu haci algo cu ne, “It’s now or never”.
Desde 1987 e hoben, corona como Reina Hubenil y despues Reina di Carnaval, ta residencia entre Miami y Aruba. Connie y Allan Burnley ta celebra e aña aki 31 aniversario matrimonial y tin dos yiu; Lindsey y Matthew, y un nieto, Lucas, cu nan ta adora. Connie ta inicia tur aña cu e speransa y deseo pa un aña saludabel y productivo. Como su resolucion pa 2018, el a propone pa e cuminsa cu su carera profesional como “Fashion Stylist, Image Consultant & Personal Shopper” pa hende muhe, homber y pa mucha. Pa realisa su carera nobo den e industria di moda, Connie tin ya experiencia como ‘private client consultation’ y el a sigui un ‘NYC program’ durante dos aña. E ‘scope’ di e programa ta encera tur aspecto di e industria aki. E combinacion di su experiencia y e programa aki, a haci cu Connie ta completamente prepara, pa realisa e trabou di su soño. Den revista FOCUS di juli, Connie ta conta di su etapa nobo como businesswoman pero tambe di su famia cu ta central den su bida.
