Martijn Trading Aruba conhuntamente cu Libresse a saca e ganadora di nan campaña unda pueblo di Aruba por a scoge e Brand Ambassador di Libresse. E marca aki ta reconoci internacionalmente pa nan productonan, cu ta ofrece e hende muhernan siguridad, confortabilidad y proteccion durante nan temporada menstrual.
Pa scoge e ganadora e pueblo di Aruba por a vota via e facebook page di Martijn Trading Aruba, pa nan participante favorito entre e cuater deportistanan:
• Amadee Nicolaas – Coremento y Triathlon
• Kayla Arends – Volleyball y Beach Volleyball
• Nathaly Geerman – Crossfit y Weightlifting
• Milvienne Henriquez – Softball y Voetbal
E ganadora a resulta Kayla Arends, cu a ricibi un total di 1519 voto y comberti asina den e prome Libresse Brand Ambassador na Aruba.
Ki ta nifica e titulo di Brand Ambassador?
Ademas di e reconocimento y un cheque na balor di AWG 4000,00 como un apoyo pa su carera deportivo, e titulo ta implica cu e mester actua di acuerdo cu e cuater caracteristicanan principal di e marca. |
Kayla Arends a ricibi un cheque na balor di AWG 4,000.00 for di man di Irina Croes, cu ta e ‘spokesperson’ di parti Libresse. Presente tabata Maarten van Oosten, cu ta un brand manager na Martijn Trading Co., representantenan di 297 Sports y Carla Kok-Bolluijt di OT2 Agency. Pabien na Kayla Arends y hopi exito durante su aña como Brand Ambassador di Libresse.
