Ha! Uno bieu pero conoci ta: saya plissé. Diripiente el a lanta bek riba catwalks. Nos ta yama bonbini cu euforia na e sayanan aki yen di estilo. E ta facil pa bisti y bo por bay den tur direccion cu ne. Na final di 2018 y comienso di 2019, por combin’e preferiblemente cu blusa tof, dibertido y peculiar. Algo cu di biaha ta combinabel y practico.
Strepi ta un supertrend pa e temporada nobo aki. Hasta bo por bistie caba. Scoge pa un carson strepia of un blusa strepia tof. No ta haci diferencia. Strepi ta super cool. Den combinacion cu strepi nan ta completamente up-to-date.
Bisti un sweater bunita riba un shimis largo tela fini y bo tin di biaha 2 item super na moda pa e ultimo temporada di 2018 y 2019. Cu e combinacionnan aki tambe bo por experimenta di trempan caba den e temporada. Bay en busca di sweater dibertido, adorabel y extravagante. Kisas ainda bo tin un shimis largo colga den cashi. E look aki ta facil, femenino y trendy.
Nan a bolbe bin na moda: prints di animal. Casi ful e coleccion di Max Mara ta basa riba e dibuho di e fantasia aki. Cada pieza di paña, cada item ta haya e dibuho di un cuero di animal den e ultimo periodo aki. Un ‘must-have’ ta un jacket largo den print di animal. Cu ne bo ta score fantasticamente.
