Duke y Dukesa di Cambridge a disfruta di un anochi estelar na e evento di BAFTA Awards 2019 diadomingo na Londres, agregando un toke di poder real na e ceremonia. William cu ta e presidente di BAFTA a acudi hunto cu su casa Kate na Royal Albert Hall, pa presencia e anochi mas grandi riba e calendario di cine britanico.
Duchess of Cambridge a asisti dos biaha anteriormente na BAFTA unda cu aña pasa e tabata na estado di prins Louis. E multitud di fotografo presente tabata ansioso wardando yegada di e pareha real y specialmente pa capta e dukesa, cu a luci deslumbrante den su shimis blanco ‘one-shoulder’ cu adorno di flor na un banda di shouder. Kate cu e elegancia di un princesa moderno a mustra impecabel cu su makiyahe y un ‘up-do hairstyle’. Pa e ocasion aki pa prome biaha a mira Kate bisti cu e renchi horea di diamante, cu ta un pieza di e impresionante coleccion di joyas si su difunto suegra.
E invitadonan a cuminsa yega for di 4or di atardi, sin embargo e red carpet a bay den un ‘shutdown mode’ momento cu Williamy Kate a haci nan mahestuoso entrada poco prome cu 7or. E realesa a ser ricibi pa e presidente ehecutivo di BAFTA, Amanda Berry, cu a acompaña e pareha pa nan asiento. Prins William a presenta e ‘Fellowship Award’ cu e ta galardon mas halto otorga pa e Academia na un individuo pa reconoce su contribucion excepcional na cine, television of weganan. E ganadornan anterior tabata Elizabeth Taylor, Michael Caine, Judi Dench y Helen Mirren, mientras e aña aki e reconocimento a bay pa Ms. Thelma Schoonmaker.
