Bacoba ta un mata maraviyoso di fruta tropical, cu ademas di ta delicioso, ta aporta gran beneficio na nos organismo, yudando na soluciona diferente problema di salud, specialmente si ta consumi bacoba diario:
1 Regula presion arterial: Bacoba ta contene un nivel halto di potasio, aportando e cantidad exacto cu e curpa mester, pa mantene presion arterial stabiel.
2 Mehora e estado di animo: Bacoba ta contene triptofano, cual ta un aminoacido esencial, cu ora e ingresa den e organismo, ta comberti den serotonina, cu ta comunmente yama e ‘hormoon di felicidad’.
3 Haci djente blanco: Pa esaki bo mester e casca di bacoba; djis frega e parti interno riba bo djentenan durante 3 minuut tur dia, te ora bo obtene e resultadonan satisfactorio.
4 Disminui stres: Stres ta provoca cu e curpa ta sufri e cambionan metabolico, cu ta afecta e nivelnan di potasio y ta combati cansancio.
5 Combati estreñimento: Bacoba ta contene un fibra dietetico cu ta faborece e digestion, yudando bo limpia bo curpa. E fibra yama pectina, cual ta excelente pa elimina e toxinanan adkeri na e tracto digestivo.
6 Alivia e sintomanan pre-menstrual: Bacoba ta ideal pa e alivio rapido di e dolornan abdominal, danki na e vitaminanan di grupo B cu e ta contene, cu tambe ta yuda na evita e retencion di likido.
7 Fortalece e salud visual: Bacoba ta posee vitamina A, cual ta necesario pa preveni e problemanan visual.
8 Ta yuda perde peso: Bacoba ta brinda e sensacion di saciedad, cual ta un aliado ideal pa ora bo kier perde peso.
